په آلمان کې د افغانستان سفیر استعفا
عقرب 29, 1403 16:11 Asia/Kabul
په جرمني کې د افغانستان سفیر یما یاري ویلي، چې برلین ترې د استعفا غوښتنه کړې او دا غوښتنه یې ورسره منلې ده.
په ورته وخت کې خبري سرچینو ویلي دي چې عبدالباقي پوپل په برلین کې د افغانستان د سفارت دنده په غاړه اخیستې ده.ښاغلی پوپل تر دې مخکې په برلین کې د افغانستان د سفارت سلاکار و.په ورته وخت کې په جرمني کې د افغانستان جنرال قونسل لطف الله سادات هم د برلین د غوښتنې له امله له خپلې دندې استعفا کړې ده.احتمال شته چې دا بدلونونه به د آلمان د حکومت لپاره یوه لاره وي چې د سرپرست حکومت سره لا ډیر تعامل وکړي.
