په کندهار کې د معلولینو باسکټبال سیالۍ د کندهار سپورټ لوبډلې وګټلې
دوه ورځې وړاندې په کندهار ښار کې د باسکټبال سیالۍ پیل شوې وې، چې اوس یې اتلولي د کندهار سپورت ریاست د معلولینو لوبډلې وګټله.
د کندهار ولایت په مرکز کندهار ښار کې د باسکټبال هغه سیالۍ چې دوه ورځې وړاندې پیل شوې وې، د کندهار سپورت ریاست د معلولینو لوبډلې په اتلولۍ پای ته ورسېدې.
د احمد شاه بابا لوبډلې په سیالیو کې دوه یم ځای خپل کړ. د سیالیو غوره ګول وهونکي عبدالله تاجک او دروېش احمد وټاکل شول.
د سیالیو د پای په مراسمو کې د کندهار د ورزش ریاست مشر حافظ محمود آغا بشر، د کندهار د باسکټبال فدراسیون مشر، د بدن ښکلا او تکواندو فدراسیونونو مشرانو برخه اخیستې وه.
د کندهار د ورزش مسۇولینو د سیالیو موخه د معلولو ورزشکارانو وړتیا ته وده ورکول یاد کړل او په راتلونکې یې هم د ورته سیالیو د ترسره کېدو هوډ څرګند کړ.
په پای کې پیاوړو ورزشکارانو ته کپونه، مډالونه او ستاینلیکونه ورکړل شول.
تگ
