په کندوز کې پر مېرمنو باندې ۳۶۰ باغچې وویشل شوې
عقرب 02, 1401 10:06 Asia/Kabul
د سرپرست حکومت د کرنې وزارت وایي، په کندز ولایت کې یې پر کروندګرو مېرمنو ۳۶۰ باغچې او اړوند توکي وېشلي دي.
له دغه وزارت څخه په خپره شوې خبرپاڼه کې لیکل شوي،چې د دې پروژې لګښت یو میلیون او ۴۴۷ زره افغانۍ دی او د سبو تخم هم پکې شامل دی.دا پروژه د کندز ولايت مرکز او د دغه ولايت په امام صاحب و علي اباد ولسواليو کې پلې شوې ده.ددغو باغچو د وېش هدف د سبو ترويج، د بې وزله مېرمنو دعوايدو زياتوالی، دخوار ځواکۍ مخنيوی او د خوړو خونديتوب دی.
