په استراليا کې د کرېکټ نړیوال جام؛ نن دوه لوبې سیالۍ کوي
عقرب 08, 1401 09:14 Asia/Kabul
په استرالیا کې د کرکټ د شل اورونو په نړیوال جام کې نن د ب ګروپ دوې لوبې دي.
لوموړۍ لوبه د پاکستان او هالنډ ترمنځ ده چې دې دواړو لوبډلو تر اوسه دوې دوې لوبې کړې دي، په دواړو کې یې ماتې خوړلې ده چې تر اوسه هېڅ امتیاز نه لري.
دویمه لوبه د زیمباوې او بنګله دېش ترمنځ ده چې دې دوو لوبډلو هر یوه یوه لوبه بایللې، یوه ګټلې، په دې ډول هر یو تر دې دمه درې امتیازه لري.
د پاکستان او هالنډ چانس چې له خپل ګروپه به بل پړاو ته بریالي کېږي تقریباً له منځه تللی دی او زیمبابوې او بنګله دېش دا چانس لري چې د نن ورځې له بریا وروسته یې د بل پړاو تګ ته هیلې زیاتې شي.
د نړیوال جام د اکټوبر په ۱۶مه پیل شو چې پایلوبه یې د نومبر په ۱۳مه ده.
تگ
