د ازادو سیالیو افغان لوبغاړي جاوېد بشارت، خپل امريکايي سیال مات کړ.
د افغانستان د ازادو سیالیو وتلی ورزشکار جاوید بشارت په UFC سازمان کې په نړیوالو سیالیو کې پیاوړی امریکایی سیال ته ماته ورکړه. جاوید بشارت د یو ایف سی ریسلنګ په نړیوالو ازادو سیالیو کې د تجربه کار امریکایی لوبغاړي تونی ګریویلی سیال شو او هغه ته یې ماته ورکړه.
دغه سیالۍ د نړۍ تر ټولو د لویو جنګیالیو په مینځ کې شوې او بشارت د دغه سیالیو په حساسه لوبه کې ډګر ته شو او د خپل سیال په وړاندې په کامیابۍ سره یې په دغه سازمان کې بې له کومې ماتې دوهمه لوبه وګټله.
بشارت په دغه بریالیتوب سره د ازادو مبارزو په سیالیو کې بې له کومې ماتې دیارلسمه پرله پسې لوبه وګټله او په دې توګه هغ اوس د نړۍ د ازادو سیالیو په زرګونو ورزشکارانو کې په څلور دیرشم لمبر دی.
هغه له سیر بهادر زاده او نصرت حق پرست دریم افغان لوبغاړی دی چې د نړۍ تر ټولو په لویو ازادو سیالیو یا یو ایف سی کې مبارزه کوی.
څو ورځې مخکې د جاوید بشارت ورور، فرید بشارت هم خپل برازیلی سیال آلان بیګوسو مات کړی او له یو ایف سی سره په رسمی تړون کولو بریالی شوی و.
تگ
