سعودي عربستان د آسیا ملتونو جام سیالیو څخه بیرون شو
دلو 12, 1402 09:53 Asia/Kabul
د سویلي کوریا فوټبال ملي لوبډلې د پنال ټي په وهلو سره بریالۍ شوه ترڅو سعودي عربستان لوبډلې ته څلور پر دوه ماتې ورکړي او د آسیا ملتونو جام سیالیو نیمه پای لوبې ته لاره پیدا کړي.
د دواړو لوبډلو ترمنځ دغه لوبه د سه شنبې په شپه د قطر په ایجوکېشن لوبځای کې ترسره شوه.
دا لوبه د یو په یو ګول وهلو سره اضافي وخت ته ولاړه، خو په اضافي وخت کې د لوبډلې برخلیک معلوم نه شو او سویلي کوریا د پنال ټي په وهلو سره دغه لوبه وګټله.
له دې لوبې مخکې ازبکستان د ټايلېند فوټبال ملي لوبډلې ته په ماتې ورکولو سره د دې لوبو نیمه پای لوبو پړاو ته لاره پیداکړې وه.
