رګبي لوبې؛ د افغانستان ملي لوبډلې د قزاقستان پر وړاندې ماتې وخوړه
عقرب 14, 1402 12:13 Asia/Kabul
په قطر کې د آسیايي جام د سیالیو په لړۍ کې د افغانستان د رګبي ملي لوبډلې پرون د قزاقستان پر وړاندې ماتې وخوړه.
د هېواد د رګبي لوبډلې په دې لړۍ کې درې لوبې وکړې.
په لومړۍ لوبه کې یې هند ته اوه د پنځو پر وړاندې ماتې ورکړه، له ازبکستان سره پنځه پنځه مساوي شوه خو بېګا یې د قزاقستان پر وړاندې پنځه د ۳۴ پر وړاندې ماتې وخوړه.
د افغانستان د رګبي ملي لوبډلې تېرکال د دې جام دوهم مقام ګټلی و، خو په فاینل لوبه کې یې د سنګاپور پر وړاندې ماتې وخوړه.
د رګبي د آسیايي جام لوبې د نوامبر په دریمه په دوحه کې بیل شوې او پرون پای ته ورسېدې.
