د پاکستان پر وړاندې د افغانستان د کرکټ د ملي لوبډلې بریا وروسته غبرګونون
کرېکټ نړۍ مشهورو ستورو، د لویو لوبډلو روزونکو او سیاستوالو د پاکستان په وړاندې د افغانستان د تاریخي بري په اړه تبصرې کړې، چې دې کار د پاکستان خپګان نور هم زیات کړی دی.
پاکستان ته په ماتې ورکولو سره افغان لوبډلې په خپل لوبیز تاریخ کې په نړیوال جام کې خپل دویم بری ثبت کړ.
د افغانستان یو شمېر پخوانیو سیاستوالو له هغې ډلې محمد اشرف غني، حامدکرزي، عبدالله عبدالله او میرویس عزیزي د پاکستان پر وړاندې بریا تاریخي بللې او د دغه لوبډلې د راتلونکو لوبو د بریا هیله یې کړې ده.
هندي کرېکټر عرفان پټان په لوبغالي کې دا بری له راشد خان سره په نڅا او ګډا ونمانځله.
په پاکستان کې بیا د دغه هېواد د قامي اسمبلۍ د دوو پخوانیو غړو علي وزیر او محسن دوړ په ګډون یو شمېر کسانو افغانستان ته د دې بریا مبارکي ویلې.
د سرپرست حکومت مشرتابه هم د ارګ په ایکسپاڼه د مبارکۍ تر څنګ لیکلي چې دې لوبې وښوده افغان ځوانان په هر ډګر کې وړتیاوې لري او بریا خپلولی شي.
د ابراهیم ځدراڼ لخوا هغو افغان کډوالو ته د لوبې د غوره جایزې په نوم کېدل وو، چې په دې وروستیو کې په زور له پاکستانه ایستل شوي دي.
د افغانستان د کرکټ ملي لوبډلې پرون د پاکستان د ۲۸۳ منډو هدف یواځې د دوو لوبغاړو په سوځېدو پوره کړ.
