د کرکټ په نړۍوال جام؛ افغانستان نن له هند سره لوبه کوي
میزان 19, 1402 10:22 Asia/Kabul
نن د چهار شنبې ورځ (تلې ۱۹مه) غرمه یوه بجه د یو ورځنیو سیالیو نړیوال جام په نهمه لوبه کې د افغانستان د کرېکټ ملي لوبډله د هند د ملي لوبډلې سره د هند په احمد اباد لوبغالي کې د سیالۍ ډګر ته ښکته کیږي.
د کرکټ بورډ ویاند سید نسیم سادات رسنیو ته ویلي چې دوی هیله من دي چې افغانستان نننۍ لوبه وګټي.
هغه زیاته کړه: "د افغانستان کرکټ ملي لوبډله به د ۲۰۲۳م کال د نړیوال جام دویمه لوبه د هندوستان په وړاندې کوي، که څه هم موږ ونه شو کړای چې د بنګله دېش په وړاندې لومړۍ لوبه کې بریا ترلاسه کړو. خو زموږ روزونکو له لوبغاړو سره ډېر کار کړی، کافي چمتووالی شته او تمه کېږي چې نن د هندوستان په وړاندې ښه لوبه وکړو."
د روان میلادي کال په نړیوال جام کې به د افغانستان بله مسابقه د راروانې یکشنبې په ورځ د اکټوبر ۱۵مه له انګلستان سره وي.
تگ
