هند د اسیا جام پایلوبې ته ووت
د اسیا جام په سوپر فور پړاو کې هندوستان سریلانکا ته په ۴۱ منډو ماتې ورکړه او فاینل ته یې لاره پیدا کړه.
د ۲۱۴ منډو هدف په تعقیب د سریلانکا ټوله لوبډله په ۴۲ اورونو کې په ۱۷۲ منډو وسوځېدله.
د سريلانکا له لوري ډونيت ويلالج په ۴۲ منډو ناسوځېدلي پاتې شو او د هند کلديپ يادو هم ۴ لوبغاړي وسوځول.
د سریلانکا په کولمبو ښار کې د اسیا جام سوپر فور پړاو سیالیو په لړ کې هند پچه وګټله او لومړی یې د توپ وهنې پرېکړه وکړه، خو د هند ټوله لوبډله د وروستي اوور په لومړۍ توپ په ۲۱۳ منډو وسوځېده.
د هند له لوري کپتان روهیت شرما د ۵۳ منډو په جوړولو سره ښه وځلید، په نورو لوبغاړو کې شیبمن ګیل ۱۹، ویرات کوهلي ۳، ایشان کیشان ۳۳ او کی ایل راهول په ۳۹ منډو پویلین ته راستانه شول.
د هندوستان هاردیک پانډیا ۵، رویندرا جدیجا ۴، جسپریت بومرا ۵او کلدیپ یادو پرته له منډو کولو وسوځېد. د سریلانکا لپاره دونات ویلالجي ۵ او چاریت اسلانکا ۴ لوبغاړي وسوځول.
