افغان توپ وهونکي صدیق الله اتل په یوه اوور کې ۷ شپږیزې ووهلې
اسد 09, 1402 12:19 Asia/Kabul
په کابل غوره لیګ کې افغان توپ وهونکي په حیرانونکي ډول په یوه اوور کې ۷ شپږیزې ووهلې او له توپ اچوونکي يې لاره ورکه کړه.
د افغانستان ځوان توپ وهونکي صدیق الله اتل د شنبې په ورځ د کابل په غوره لیګ سیالیو کې د شاهین هنټرز په استازیتوب د اباسین ډیفینډرز پر وړاندې داسې خوندوره اننګز وکړ چې په میدان کې ناست مینه وال یې حیران شول.
کیڼ لاسي توپ وهونکي صدیق الله اتل په ۵۶ توپونو ۱۱۸ چټکې منډې وکړې، ۷ څلوریزې او ۱۰ شپږیزې یې ووهلې.
