کندهارکې د ۳۲ زره امريکايي ډالرو په ارزښت د فوټبال لوبغالی او د لامبو وهنې حوضونه جوړ شول
د کندهار ولايت د ډنډ ولسوالۍ په کلچه اباد کلي کې د شېر محمد حمزه ملي سوداګر په شخصي لګښت د ۳۲ زره امريکايي ډالرو په ارزښت د فوټبال لوبغالی او د لامبو وهنې حوضونه جوړ او ګټې اخيستنې ته وسپارل شول.
د کندهار ولايت د ډنډ ولسوالۍ په کلچه اباد کلي کې د شېر محمد حمزه ملي سوداګر په شخصي لګښت د ۳۲ زره امريکايي ډالرو په ارزښت د فوټبال لوبغالی او د لامبو وهنې حوضونه جوړ او ګټې اخيستنې ته وسپارل شول.
د ياد لوبغالي او حوضونو د پرانيستې په غونډه کې د ياد ولايت د بدني روزنې او ورزش رياست استازو، قومي مشرانو، ورزشکارانو او يو شمېر ګډونوالو برخه اخيستې وه.
په پيل کې د نوموړي ولايت د بدني روزنې او ورزش ریاست رئیس ګډونوالو ته د ښه راغلاست ترڅنګ د نوموړي سوداګر يادې کړنې وستايلې او د ډنډ ولسوالۍ د ورزشکارانو لپاره يې د سپورټ په برخه کې ياد لوبغالی او حوضونه يوه ښه لاسته راوړنه ياده کړه.
هېره دې نه وي، چې په نږدې راتلونکې کې به د نوموړي سوداګر له لوري يو بل ورته لوبغالی هم جوړ او ګټې اخيستنې ته وسپارل شي.
تگ
