هلمند؛ د کرکټ ټېپ بال رمضان جام سیالیو په دوام درې سیالۍ ترسره شوې
دغه سیالۍ چې د یاد ولایت د ورزشي امریت له لوري، د روژې میاشتې له لومړیو راپدېخوا پیل شوي، په داوم یې نن درې سیالۍ ترسره شوې.
دغه سیالۍ چې د یاد ولایت د ورزشي امریت له لوري، د روژې میاشتې له لومړیو راپدېخوا پیل شوي، په داوم یې نن درې سیالۍ ترسره شوې.
لومړۍ سیالي د سیون سټار او سټار اڅکزي لوبډلو ترمنځ ترسره شوه، چې په پایله کې سټار اڅکزي لوبډلې خپلې سیالې لوبډلې ته په ۵ ویکټو ماتې ورکړه او بریا یې خپله کړه.
د دغې سیالۍ غوره لوبغاړی رییس احمد و، چې په ۲۶ توپونو یې ۴۹ چټکې منډې جوړې کړې.
دویمه سیالي د یاران او محبوب لوبډلو ترمنځ ترسره شوه، چې په پایله کې محبوب لوبډلې په ۴ ویکټو بریا خپله کړه.
د یادې سیالۍ غوره لوبغاړی بور اغا و، چې د خپلې لوبډلې په ګټه یې په ۲۵ توپونو ۳۸ تېزې منډې جوړې کړې.
همداراز د نن ورځې وروستۍ او درېیمه سیالي د بولان ظریفي او پارکر لوبډلو ترمنځ ترسره شوه، چې په پایله کې بولان ظریفي لوبډلې خپلې سیالې لوبډلې ته په ۵۹ منډو ماتې ورکړه او لوبه یې وګټله.
د نومومړې سیالۍ غوره لوبغاړی جان ولي و، چې په ۳۰ توپونو یې ۷۹ منډې جوړې کړې.
تگ
