غزنی؛ د مالستان ولسوالۍ د والیبال سیالیو اتلولي شاهین سبزک لوبډلې خپله کړه
د غزني ولایت د بدنی روزنې او ورزش امریت په همغږۍ په مالستان ولسوالۍ کې د ۱۲ لوبډلو ترمنځ د یووالي په نوم د والیبال سیالۍ، چې یوه میاشت وړاندې پیل شوې وې، د شاهین سبزک لوبډلې په اتلولۍ پای ته ورسېدې.
د غزني ولایت د بدنی روزنې او ورزش امریت په همغږۍ په مالستان ولسوالۍ کې د ۱۲ لوبډلو ترمنځ د یووالي په نوم د والیبال سیالۍ، چې یوه میاشت وړاندې پیل شوې وې، د شاهین سبزک لوبډلې په اتلولۍ پای ته ورسېدې.
د دغو سیالیو پایلوبې ته د شاهین سبزک او ذولفقار پایجلګه لوبډلو لار موندلې وه، چې په پایله کې شاهین سبزک لوبډلې وکولی شوای، خپلې سیالې لوبډلې ته د ۳-۱ میدانونو په توپیر ماتې ورکړي او د یادو سیالیو لومړی مقام خپل کړي. همداراز د ذولفقار پایجلګه، میهن سرجلګه او ذولفقار دیبه لوبډلو په ترتیب سره دویم، درېیم او څلورم مقامونه خپل کړل.
قدم علي غوره لوبغاړی و ټاکل شو او د یادو سیالیو موخه په مالستان ولسوالۍ کې د والیبال سیالیو وده او د ځوانانو هڅونه وه.
په پای کې د بدني روزنې او ورزش امریت د استازي له لوري غوره لوبډلو او لوبغاړو کپونه او مډالونه ورکړل شول.
تگ
