د افغانستان له نولس کلنو کم عمره کرکټ لوبډلې د ۶ ویکټو په توپیر سریلانکا ته ماتې ورکړه
د افغانستان له نولس کلنو کم عمره کرکټ لوبډلې د فریدون او کامران هوتک د غوره توپ اچونې او د نعمان شاه د ښه بېټنګ په مټ د سریلانکا له نولس کلنو کم عمرې لوبډلې ته د شپږ ویکټو په توپیر ماتې ورکړه او د یو ورځینو سيالیو یاد سریز " ۲ـ۰" د افغانستان په ګټه پای ته ورسېد.
د افغانستان له نولس کلنو کم عمره کرکټ لوبډلې د فریدون او کامران هوتک د غوره توپ اچونې او د نعمان شاه د ښه بېټنګ په مټ د سریلانکا له نولس کلنو کم عمرې لوبډلې ته د شپږ ویکټو په توپیر ماتې ورکړه او د یو ورځینو سيالیو یاد سریز " ۲ـ۰" د افغانستان په ګټه پای ته ورسېد.
د یادې سیالي پچه افغان لوبډلې وګټله او لومړی یې د بالنګ پرېکړه وکړه.
د سریلانکا لوبډلې په ۳۷م اور کې ټول لوبغاړي وسوځېدل او افغان لوبډلې ته یې د ۱۶۲ منډو هدف کېښود. د دوی لپاره ویهاس تیومیکا ۳۳ او دویندو راناتونګا ۲۸ منډې ترسره کړې.
د افغان لوبډلې په توپ اچونه کې فریدون داودزي او کامران هوتک هر یوه درې ، یما عرب دوه ، خلیل احمد او محمد هارون خان هر یوه یو-یو لوبغاړی اوټ کړ.
یاد هدف افغان لوبډلې په ۳۳م اور کې یوازې د ۴ لوبغاړو په زیان ترلاسه کړ او د ۶ ویکټو په توپیر یې بریا خپله کړه.
د افغانستان په ګټه نعمان شاه ۷۲ ناسوځېدلې، علي احمد ناصر ۲۵ ناسوځېدلې، جمشېد ځدراڼ ۲۲ او حزب الله دراني ۱۹ منډې ترسره کړې.
نعمان شاه په ۷۲ ناسوځېدلو منډو د لوبې او ټولټال په ۱۳۶ منډو جوړولو د سریز د غوره لوبغاړي جایزې واخیستې. همدا راز خلیل احمد د ۶ ویکټو په ترلاسه کولو د سریز غوره توپ اچوونکی ونومول شو.
د یادونې وړ ده، چې د متحده عربي اماراتو ابوظبي ته په یاد سفر کې افغان له ۱۹ کلنو کم عمره لوبډلې په دریو سریزونو کې برخه واخیسته، چې لومړی یې له بنګله دېش لوبډلې سره د دوو یو ورځنیو سیالیو سریز ترسره کړه او ۱-۱ مساوي پای ته ورسېد.
ورپسې افغانستان، سریلانکا او بنګله دېش درې اړخیز سریز وکړ، چې اتلولي یې بنګله دېش په خپل نوم کړه؛ خو وروستی د دوو لوبو سریز د افغانستان او سریلانکا ترمنځ ترسره شو، چې افغان لوبډلې ۲-۰ وګاټه.
تگ
