د المپیک ملي کمېټې د مشرولۍ له خوا د فریزبي انتخابي سیالیو ګټونکې لوبډله وستایل شوه
د المپیک ملي کمېټې اجرائیه رئیس داد محمد پاینده اختر نن سهار په خپل کاري دفتر کې د فریزبي فدراسیون رهبري او د انتخابي سیالیو ګټونکي ورزشکاران وستایل او وې هڅول.
د المپیک ملي کمېټې د رهبري له خوا د سږکال د فریزبي انتخابي سیالیو ګټونکې لوبډله تشویق او وستایل شوه.
د المپیک ملي کمېټې اجرائیه رئیس داد محمد پاینده اختر نن سهار په خپل کاري دفتر کې د فریزبي فدراسیون رهبري او د انتخابي سیالیو ګټونکي ورزشکاران وستایل او وې هڅول.
د پرګرام په پیل کې د فریزبي فدراسیون رئیس عبدالرشید غزنوي د فریزبي انتخابي سیالیو لنډ راپور وړاندې کړ او د خپلو خبرو په جریان کې یې د لوکر ولایت د بدني روزنې او سپورټ له امریت څخه مننه وکړه، چې د یادو سیالیو ښه کوربتوب یې وکړ، هم یې د فریزبي فدراسیون راتلونکي پرګرامونه د هیواد د المپیک ملي کمېټې له رهبري سره شریک کړل.
ورپسې ښاغلي اختري خبرې وکړې، د ښه راغلاست ترڅنګ یې د فریزبي رهبري او یادې لوبډلې ته وويل: ستاسې هڅې او علاقه دې ریشتې ته د دې ښکارندويي کوي، چې فریزبي لوبه په هیواد کې د پرمختګ په حال کې ده. زما له تاسو لوبغاړو او د فدراسیون له رهبري څخه دا هیله ده، چې دا ریشته په پښو ودروئ او پرمختګ ورکړئ.
د یادونې وړ ده، چې د تېر کال د حوت پر ۲۲ مه د دې ریشتې ملي انتخابي سیالۍ د لوګر په کوربتوب د اتو ولایتونو د ورزشکارانو تر منځ جوړې شوې وې، چې په پای کې ۳۲ غوره څېرې ملي لوبډلې ته انتخاب شوې.
تگ
