په کندهار کې د ۱۱۲ لوبډلو ترمنځ د فوټبال رمضان جام سیالۍ پیل شوې
په نوموړو سیالیو کې په دریو ګروپونو آزاد جام ناک اوټ سیالۍ، کامران جام فوټبال ګروپي سیالۍ او ښادمن جام د کندهار د آتو منتخبو لوبډلو ترمنځ سیالۍ ترسره کېږي، چې په ترتیب سره پکې ۸۰- ۲۴ او ۸ لوبډلو شاملې دي.
په کندهار ولایت کې د عینو مینې د سپورټ امریت له لوري په یاده سیمه کې د ۱۱۲ لوبډلو ترمنځ د فوټبال رمضان جام سیالۍ پیل شوې.
په نوموړو سیالیو کې په دریو ګروپونو آزاد جام ناک اوټ سیالۍ، کامران جام فوټبال ګروپي سیالۍ او ښادمن جام د کندهار د آتو منتخبو لوبډلو ترمنځ سیالۍ ترسره کېږي، چې په ترتیب سره پکې ۸۰- ۲۴ او ۸ لوبډلو شاملې دي.
په همدې موخه په جوړو شویو مراسمو کې د یاد ولایت پر ورزشي مسولینو سربېره، د فوټبال روزونکو، ورزشکارانو او د ورزش زرګونو مینوالو ګډون کړی و.
د یادو مراسمو په پیل کې ورزشي مسولینو د ورته سیالیو جوړولو په پار خوښي څرګنده کړه او خوښي یې وښوده چې ځوانانو یې ترپخوا ورزش ته پاملرنه کړې او له نورو ناوړه لارو یې ځانونه ورزش ته راګرځولي دي.
د دغو سیالیو په اړه ورزشکارانو هم خوښي څرګنده کړه او د ورته سیالیو جوړول یې د لوبغاړو ترمنځ د یووالي، اتفاق، ورورولۍ او تجربو شریکولو ښه او مثبته لاره وبلله.
هېره دې نه وي چې د فوټبال دغه سیالۍ به د روژې مبارکې میاشتې تر وروستیو دوام وکړي.
تگ
