په خوست کې د لومړي ځل لپاره د فوټسال رمضان جام سيالۍ پيل شوې
د خوست ولايت د بدني روزنې او سپورټ آمریت او د فوټبال فدراسيون له لوري د لومړي ځل لپاره د شلو لوبډلو ترمنځ په په مرکزي سرپټي میدان کې د فوټسال رمضان جام سيالۍ پيل شوې.
د خوست ولايت د بدني روزنې او سپورټ آمریت او د فوټبال فدراسيون له لوري د لومړي ځل لپاره د شلو لوبډلو ترمنځ په په مرکزي سرپټي میدان کې د فوټسال رمضان جام سيالۍ پيل شوې.
په همدې موخه په جوړو شويو مراسمو کې د ياد ولایت ورزشي مسولينو، ورزشکارانو او د ورزش ګڼو مينوالو ګډون کړی و.
په پيل کې د ياد ولايت ورزشي امر ګډونوالو ته د ښه راغلاست ترڅنګ د يادو سياليو په پيل کېدو خوښي څرګنده کړه او په ټولو ولسواليو کې يې په مختلفو رشتو کې د سياليو د پيل خبر ورکړ.
د دغو سياليو لومړۍ لوبه کې بريال لوبډلې د مرمنډۍ لوبډلې ته د ۸_۱ ګولونو په توپير ماتې ورکړه، همداراز دويمه سيالي د اکېډمۍ کلب او وزيانو کلب لوبډلو ترمنځ ترسره شوه، چې په پايله کې لوبه اکېډمۍ کلب لوبډلې د ۶_۰ ګولونو په توپير وګټله.
د فوټسال په دې ټورنمنټ کې شل لوبډلې شاملې دي، چې هره شپه به دوې سيالۍ ترسره کېږي او د روژې مياشتې تر وروستيو پورې به دوام وکړي.
تگ
