د هلمند ټېپ بال کرکټ رمضان جام سیالیو په دوام تېره شپه درې سیالۍ ترسره شوې
د هلمند ولایت د بدني ورزنې او ورزش امریت له لوري د کرکټ ټېپ بال سیالیو په دوام، تېره شپه درې سیالۍ ترسره شوې.
د هلمند ولایت د بدني ورزنې او ورزش امریت له لوري د کرکټ ټېپ بال سیالیو په دوام، تېره شپه درې سیالۍ ترسره شوې.
په لومړۍ سیالۍ کې بست اتلان او محمد ادریس لوبډلې یو له بل سره مخ شوې، چې په پیل کې بست اتلانو توپوهنه پیل کړه او د دریو وېکټو په زیان سره یې خپلې سیالې لوبډلې ته په ټاکلو لسو اورونو کې ۱۰۵ منډې هدف کېښود، بل پلو محمد ادریس لوبډلې د څلورو لوبغاړو په زیان له لسو اورونو کې ۹۸ منډې جوړې کړې او په ۷منډو یې سیالي بایلوده.
د یادې سیالۍ غوره لوبغاړی عبدالله و، چې په ۲۵بالونو یې ۶۴ منډې جوړې کړې.
په دویمه سیالۍ کې د ناد علي کرکټ (الف) او خاکسار لوبډلې میدان ته ښکته شوې، چې په پیل کې نادعلي الف لوبډلې توپ وهنه پیل کړه او په ټاکلو لسو اورونو کې یې د ۷ لوبغاړو په سوځېدو سره سیالې لوبډلې ته ۹۷ منډې هدف کېښود. د دغې سیالۍ په دویمه پاڼۍ کې خاکسار لوبډلې پرته د کوم لوبغاړي له سوځېدو څخه په شپږم اور کې هدف ته ځان ورساوه او بریا یې ترلاسه کړه.
د نوموړې دویمې سیالۍ غوره لوبغاړی محیب الله و، چې د خپلې لوبډلې په ګټه یې په ۲۵ بالونو ۶۷ناسوځېدلې منډې جوړې کړې.
د تېرې شپې وروستۍ او درېیمه سیالي نادعلي لوبډلې په توپوهنې پیل کړه او له لسو اورونو لوبولو وروسته یې د ۲ ویکټو په مټ خپلې سیالې لوبډلې ته ۷۳ منډې هدف کېښود، بل پلو افغان کرکټ لوبډلې یاد هدف ته د شپږم اور په درېیم بال ځان ورساوه او سیاله لوبډله یې په ۶ ویکټو ماته کړه.
د دغې سیالي غوره لوبغاړی عبدالواحد و، چې په دوو اورونو کې یې د یوې ویکټې په اخیستو سره ۱۴ منډې ورکړې او بهترینه توپ اچوونه یې ترسره کړه.
باید یادونه وشي، چې دغه سیالۍ د هلمند ولایت په مرکز غازي محمد ایوب خان لوبغالي کې ترسره کېږي او د روژې مبارکې میاشتې تر وروستیو پورې به دوام وکړي.
تگ
