د پاکستان پر وړاندې تاریخي بریا؛ کرکټ بورډ د لوبغاړو لپاره جایزې اعلان کړې
د پاکستان پر وړاندې په شل اوریز کرکټ کې د افغانستان له تاریخي بریا وروسته کرکټ بورډ د ملي لوبډلې لوبغاړو لپاره انعامونه اعلان کړل.
د پاکستان پر وړاندې په شل اوریز کرکټ کې د افغانستان له تاریخي بریا وروسته کرکټ بورډ د ملي لوبډلې لوبغاړو لپاره انعامونه اعلان کړل.
افغانستان د شل اوریز نړۍوال کرکټ دغو سیالیو د دویمې لوبې په ګټلو سره سریز وګاټه.
د افغانستان په کوربهتوب دا لوبې د متحده عربي اماراتو په شارجه لوبغالي کې روانې دي.
دا لومړی ځل دی چې افغانستان له پاکستانه لوبلړۍ ګټي.
له یادې تاریخي بریا وروسته د افغانستان کرکټ بورډ عمومي رییس میرویس اشرف په داسې حال کې چې اجرائیوي رییس نصیبخان هم ورسره ملتیا کوله، د شارجې کرکټ لوبغالي کې ملي لوبغاړو ته د دې سترې بریا مبارکي ورکړه.
دغه راز میرویس اشرف ملي لوبغاړو او د هغوی مدیره پلاوي ته انعامونه اعلان کړل.
هغه وویل چې هر ملي لوبغاړي ته چې په ۱۵ کسیزه لوبډله کې شتون لري، یو ایفون موبایل او درې، درې زره امریکایي ډالر، ریزرف لوبغاړو ته دوه دوه زره امریکایي ډالر او د اداري پلاوي غړو ته چې له لوبډلې سره ملتیا کوي، زر زر امریکایي ډالر انعام ورکوي.
تگ
