په کندز کې د فوټسال سیالۍ د اخلاص لوبډلې په اتلولۍ پای ته ورسېدې
د کندز ولایت د بدني روزنې او ورزش ریاست او فوټبال فدراسیون په همغږۍ د فوتسال د ۲۴ لوبډلو ترمنځ راپیل شوې سیالۍ د اخلاص لوبډلې په اتلولۍ پای ته ورسېدې.
د کندز ولایت د بدني روزنې او ورزش ریاست او فوټبال فدراسیون په همغږۍ د فوتسال د ۲۴ لوبډلو ترمنځ راپیل شوې سیالۍ د اخلاص لوبډلې په اتلولۍ پای ته ورسېدې.
یادې سیالۍ د کندز ولایت په مرکز خیابان ورزشي جمنازیوم کې نږدې یوه میاشت وړاندې پیل شوې وې، چې پایلوبې ته یې اخلاص او احساني لوبډلو لار موندلې وه، چې په پایله کې اخلاص لوبډلې خپلې سیالې لوبډلې ته د ۴-۱ ګولونو په توپیر ماتې ورکړه او د یادو سیالیو اتلولي یې خپله کړه.
د یاد ټورنمنټ غوره لوبغاړی د ۱۲ ګولونو په وهلو سره محمد شعیب اعلان شو.
په پای کې غوره لوبغاړو او لوبډلو ته کپونه، مډالونه او ستاینلیکونه ورکړل.
د نوموړي ټورنمنټ موخه د فوټسال ورزش ته وده او د ځوانانو هڅول یاد شوي دي.
تگ
