ننګرهار؛ د ټېپ بال کرکټ ټورنمنټ په دوام درې لوبې وشوې
د افغانستان ټېپ بال ټورنمنټ په دوام، چې په ننګرهار ولایت کې جوړ شوی دی، نن سه شنبه درې لوبې ترسره شوې.
د افغانستان ټېپ بال ټورنمنټ په دوام، چې په ننګرهار ولایت کې جوړ شوی دی، نن سه شنبه درې لوبې ترسره شوې.
لومړنۍ لوبه د بلو ټایګرز او نارت لاینز تر منځ وشوه، لومړی توپ وهنه بلو ټایګرز وکړه او په لسو اورنو کې یې مقابلې لوبډلې ته ۱۲۰ منډې هدف کېښود. په ځوابي بېټنګ کې نارت لاینز یاد هدف د شپږم اور په وروستي بال پوره کړ. د دې لوبې غوره لوبغاړی ابراهیم احمدي ونومول شو، چې ډېرې ویکټې یې اخیستې وې.
د نن ورځې دویمه لوبه له غرمې وروسته د ټیټانز سوت او ویسټرن ووریز لوبډلو ترمنځ وشوه، ټیټانز سوت په لسو اورونو کې ۷۹ منډې جوړې کړې، چې ویسټرن ووریز لوبډلې د شپږم اور په دویم بال یاد هدف پوره کړه او بریا یې خپله کړه.
د دې لوبې غوره لوبغاړی وسیم شینواری شو، چې په دوو اورونو کې یې اته منډې ورکړې او درې ویکټې یې اخیستې وې.
د نن ورځې وروستۍ لوبه د ایسټ ایګل او سنرایز ترمنځ وشوه، ایسټ ایګل په لسو ټاکلو اورونو کې ۱۶۶ منډې هدف مقابلې لوبډلې ته کېښود، چې سنرایز لوبډلې په اتو اورونو کې یاد هدف پوره کړ او لوبه یې وګټله.
د دې لوبې غوره لوبغاړی وهاب ونومول شو، چې په ۳۱ بالونو یې ۹۳ منډې جوړې کړې.
تگ
