لوګر؛ د فريزبي ملي انتخابي سياليو پر لومړۍ ورځ څلور لوبې وشوې
په لوګر ولايت کې د المپيک ملي کمېټې او سپورټ عمومي رياست له لوري د ۸ ولايتونو د لوبډلو ترمنځ د فريزبي ملي لوبډلې د غوراوي سيالۍ پيل او پر لومړۍ ورځ يې څلور لوبې ترسره شوې.
په لوګر ولايت کې د المپيک ملي کمېټې او سپورټ عمومي رياست له لوري د ۸ ولايتونو د لوبډلو ترمنځ د فريزبي ملي لوبډلې د غوراوي سيالۍ پيل او پر لومړۍ ورځ يې څلور لوبې ترسره شوې.
د دغو سياليو لومړۍ لوبه د غزني او جوزجان لوبډلو ترمنځ ترسره شوه، په پايله کې غزني لوبډلې، خپلې سيالې لوبډلې ته د ۱۲_۰ ګولونو په لوی توپير ماتې ورکړه او سيالي يې وګټله.
د نوموړې سيالي غوره لوبغاړی جاويد عثماني و، چې بهترين پاسونه او ګولونه يې ترسره کړه.
د دويمې سيالي لپاره د ننګرهار او هرات لوبډلې ميدان ته ښکته شوې او له يوې په زړه پورې سيالي وروسته هرات ولايت بريا تر لاسه کړه او سياله لوبډله يې د ۸ ګولونو په توپير ماته کړه.
د يادې دويمې سيالي غوره لوبغاړی موسی جويا و، چې د خپلې لوبډلې لپاره يې بهترينه لوبه ترسره کړه.
همدا راز درېيمه لوبه د لوګر او ميدان وردګ ولايتونو د لوبډلو ترمنځ ترسره شوه، چې په پايله کې د لوګر لوبډله وتوانېده خپلې سيالې ميدان وردګ لوبډلې ته د ۱۱_۳ ګولونو په توپير ماتې ورکړي وي او بريا خپله کړي.
د نوموړې سيالي غوره لوبغاړی قيس افغان و، چې د ګول او پاس په برخه کې يې ښکلې لوبه نندارې ته وړاندې کړه.
د نن ورځې وروستۍ او څلورمه سيالي د کابل او غورو ولايتونو لوبډلو ترمنځ ترسره شوه، چې د کابل لوبډلې خپله سياله لوبډله د ۸_۱ په لوی توپير ماته کړه او بريا يې خپله کړه.
د دغې سيالي غوره لوبغاړی سمیع الله و ټاکل شو.
بايد يادونه وشي، چې دغه سيالۍ په دوو ګروپونو کې د ليګ په شکل ترسره کېږي او له پايلوبې وروسته به د افغانستان د فريزبي ملي لوبډلې لپاره له مختلفو لوبډلو او ولايتونو څخه ۳۲ بهترين او غوره لوبغاړي وټاکل شي.
تگ
