په پروان کې د څلورو لوبډلو ترمنځ د آزادۍ په نوم د فوټبال سیالۍ پیل شوې
حوت 27, 1401 12:20 Asia/Kabul
د پروان ولایت په مرکز چاریکار کې د آزادۍ په نوم د مرکز او ولسوالیو د څلورو لوبډلو ترمنځ د فوټبال سیالۍ پيل شوې.
دغه سیالۍ، چې د پروان د بدني روزنې او سپورت امریت په جمنازیوم کې ترسره کیږي، د پیل په مراسمو کې یې د پروان د سپورت آمر عبدالظاهر خالقیار، ځایي ولایتي مسؤولینو او ګڼ شمېر مینوالو برخه اخیستې وه.
د پروان د سپورت د آمر عبدالظاهر خالقیار په خبره دغه سیالۍ به تر سبا پنجشنې پورې دوام ولري.
د یادو سیالیو موخه د ځوانانو ترمنځ د یووالي رامنځ ته کول دي، چې د بګرام ، سیدخیل، وحدت او ښاروالۍ لوبډلې به د یو بل په وړاندې ولوبیږي.
لومړۍ سیالي د سیدخیل او ښاروالی لوبډلو ترمنځ وه چې د ۳-۰ په توپیر د ښاروالۍ لوبډلې وګټله.
تگ
