د کندهار په احمد شاهي لوبغالي کې د يووالي او ورورولۍ په نوم د فوټبال سيالۍ پيل شوې
په کندهار کې د يووالي او ورورولۍ په نوم د فوټبال سيالۍ د کندهار د بدني روزنې او ورزش ریاست په همکارۍ د کندهار فوټبال فدراسیون له لوري د څلورو پياوړو لوبډلو ترمنځ د شپږ ورځو لپاره پیل شوې.
په کندهار کې د يووالي او ورورولۍ په نوم د فوټبال سيالۍ د کندهار د بدني روزنې او ورزش ریاست په همکارۍ د کندهار فوټبال فدراسیون له لوري د څلورو پياوړو لوبډلو ترمنځ د شپږ ورځو لپاره پیل شوې.
په دغو سياليو کې د پکتيا تلاش، هلمند بارک، کندهار ځوانانو او ميرويس نيکه لوبډلو ګډون کړی دی، د پيل لوبه د کندهار ځوانانو او پکتيا تلاش لوبډلو ترمنځ ترسره شوه، چې په پايله کې له يوې په زړه پورې سيالۍ وروسته مساوي پای ته ورسېده.
د يادې سيالۍ د پيل په مراسمو کې د کندهار د بدني روزني او ورزش رئیس حافظ محمود آغا بشر، د کندهار د فوټبال فدراسیون مسئولینو، د افغانستان د فوټبال فدراسیون د اجرايه بورډ غړي حاجي محمد نصیر رحماني، له هلمند او پکتیا ولایتونو څخه راغلو مېلمنو، ګڼ شمېر نورو دولتي مسئولینو او د فوټبال سلګونو مینوالو ګډون کړی و.
د کندهار د فوټبال فدراسیون مسئولین وایي، چې د یادو سیالیو موخه د کندهار او نورو ولایتونو د فوټبال لوبغاړو ترمنځ ورورولي، يووالی دی او تر څنګ يې وکولای شي په ياده برخه کې خپلې تجربې له يو بل سره شريکې کړي.
تگ
