خوست کې د یووالي په نوم د فوټبال سیالیو پایلوبه مټه چینې وګټله
د خوست ولایت د فوټبال فدراسیون په چوکاټ کې د ۴۰ لوبډلو ترمنځ د فوټبال سیالۍ چې دوه میاشتې وړاندې پیل شوې وې د مټې چینې لوبډلې په بریا پای ته ورسېدې.
دا سیالۍ چې د یووالي په نوم د نوریزیو په سیمه کې ترسره شوې پایلوبې ته یې د« شاهین او مټه چینې» لوبډلو لاره ومونده چې په ټاکلي ۹۰ دقیقو کې له « ۱ – ۱» پایلې سره مساوي پای ته ورسېده، خو د پنلاټیو په ګلونو کې د « ۸ – ۷ » ګولونو په توپیر د مټه چینې په لومړي او د شاهین لوبډلې په دویم مقام پای ته ورسېدې.
په همدې موخه جوړو شویو مراسمو کې د خوست امنیه قوماندان محبوب شاه قانت، د بدني روزنې او ورزش امرعطاء الله کډوال، د فوټبال فدراسیون سرپرست ریبارهڅاند ، قومي مشرانو، ورزشکارانو او ګڼو مینوالو برخه اخیستې وه.
د دې سیالیو موخه د ځوانانو یووالی، همغږي او د ورزش وده وه.
په پای کې د لومړي او دویم مقام لوبډلو ته کپونه او غوره لوبغاړو ته مډالونه، ستاینلیکونه او نورې ډالۍ ورکړل شوې.
تگ
