لوګر؛ پل علم کې د والیبال سیالیو اتلولي استقلال کلنګار لوبډلې وګټله
د لوګر ولایت مرکز پل علم اړوند د حاجي ګلون په سیمه کې د ۲۰ لوبډلو ترمنځ د والیبال سیالۍ د استقلال کلنګار لوبډلې په بریا پای ته ورسېدې.
د لوګر ولایت مرکز پل علم اړوند د حاجي ګلون په سیمه کې د ۲۰ لوبډلو ترمنځ د والیبال سیالۍ د استقلال کلنګار لوبډلې په بریا پای ته ورسېدې.
دا سیالۍ ۱۴ ورځې وړاندې د لوګر د بدني روزنې او ورزش امریت او والیبال فدراسیون په همغږۍ د حاجي ګلون په سیمه کې پیل شوې وې.
د دغو سیالیو پایلوبه د « نیازیواتلان او استقلال کلنګار» لوبډلو ترمنځ ترسره شوه چې د « ۳ – ۲» میدانونو په توپیر د کلنګار په لومړي او د اتلانو په دویم مقام پای ته ورسېده.
د دې سیالیو موخه د ځوانانو او ورزشکارانو ترمنځ یووالی او د غوره لوبغاړو پیژندنه وه.
د پایلوبې په سیالیو کې د ورزشي مسوولینو ترڅنګ، مخورو، ځوانانو، ورزشکارانو او ګڼ شمېر مینوالو هم ګډون کړی وو.
په پای کې ګټونکې لوبډلې ته کپ او غوره ورزشکارانو ته مډالونه او نورې ډالۍ ورکړل شوې.
تگ
