د سنوکر فدراسيون د ملي لوبډلې لوبغاړي قطر ته روان شول
د سنوکر فدراسيون د ملي لوبډلې لوبغاړي د سنوکر په ٣٧ پړاو اسيايي سياليو کې د ګډون په موخه قطر ته روان شول
د سنوکر ملي لوبډلې لوبغاړي او پلاوی د المپيک ملي کمېټې او سپورټ عمومي رياست له رئيس انجنير نظر محمد مطمئن سره تر ليدنې او خداى پامانۍ وروسته قطر هېواد ته روان شول. د خدای پامانۍ په مراسمو کې د ياد ریاست فني او مسلکي معاون حافظ احمد جان، د المپيک ملي کمېټې اجرايه رئيس داد محمد پاينده اختري، د فوټبال فدراسيون رئيس محمد يوسف کارګر او د ياد رياست د نشراتو رئيس اتل مشواڼي هم ګډون درلود.
ښاغلي مطمئن له دغو ورزشکارانو سره د ليدنې پر مهال هغو ته پر وخت او جماعت د لمانځه ادا کولو توصيه وکړه.
ټاکل شوې د قطر په کوربتوب د سنوکر ٣٧ پړاو اسيايي سيالۍ به تر راتلونکو دوو ورځو پورې پيل شي، چې له افغانستان څخه هم پکې دوه ورزشکاران صالح محمد محمدي او رئيس خان، يو پلاوى او يو هم د بدني روزنې او ورزش عمومي ریاست استازى قدرت الله زرمتی ګډون کوي.
تگ
