د بادغیس په ابکمري ولسوالۍ کې د غېږ نيونې سيالۍ ترسره شوې
د بادغېس ولايت د بدني روزنې او ورزش امريت او غېږنيونې فدراسيون په همغږۍ د ۱۰ نامتو غېږنيونکو ترمنځ د غېږ نيونې سيالۍ ترسره شوې.
د بادغېس ولايت د بدني روزنې او ورزش امريت او غېږنيونې فدراسيون په همغږۍ د ۱۰ نامتو غېږنيونکو ترمنځ د غېږ نيونې سيالۍ ترسره شوې.
دغه سيالۍ، چې د ابکمري ولسوالۍ په پسته لاق طبعي او زرغونه سيمه کې ترسره شوې، د دغه ولايت والي، امنيه قومندان، د ملي امنيت رئيس، د لواء قومندان، د ملکي او نظامي ادارو استازو، ورزشي مسولينو او د غېږنيونې زرګونو مينوالو پکې ګډون کړی و.
د يادو سياليو موخه راتلونکې چهارشنبې ته د ولايت په کچه د غېږ نيونې د سياليو د ترسره کېدو لپاره همغږي وه، چې په برياليتوب سره ترسره شوې.
بايد يادونه وشي، چې د دغو سياليو لومړی مقام فريد احمد پهلوان او دويم مقام ميرويس پهلوان ترلاسه کړ.
هېره دې نه وي، چې په پايله کې غوره لوبغاړو ته کپونه ورکړل شول او راتلونکې اوونۍ به ياده سيمه د غېږنيونې د لويو سياليو کوربه وي.
تگ
