د کونړ د واليبال جام سياليو اتلولي چپرهار لوبډلې خپله کړه
حوت 20, 1401 11:16 Asia/Kabul
د کونړ ولايت د بدني روزنې او ورزش امريت او واليبال فدراسيون په همغږۍ د ۲۰ لوبډلو ترمنځ د واليبال سياليو پايلوبه چپرهار لوبډلې وګټله.
د کونړ د واليبال جام سياليو اتلولي چپرهار لوبډلې خپله کړه.
د کونړ ولايت د بدني روزنې او ورزش امريت او واليبال فدراسيون په همغږۍ د ۲۰ لوبډلو ترمنځ د واليبال سياليو پايلوبه چپرهار لوبډلې وګټله. د دغو سياليو پای لوبې ته د چپرهار او نرنګ ولسوالۍ منتخبې لوبډلې وتلې وې، چې په پايله کې چپرهار واليبال لوبډلې د ۳_۱ ميدانونو په ترلاسه کولو خپلې سيالې لوبډلې ته ماتې ورکړه او د يادو سياليو اتلولي يې خپله کړه.د يادو سياليو د پایلوبې ليدو ته د کونړ ولايت پر ورزشي امر سربېره، قومي مشران، ځوانان او د واليبال ګڼ مینوال راغلي وو.په پای کې ګټونکې لوبډلې ته د اتلولۍ کپ او غوره لوبغاړو ته مډالونه او ستاینلیکونه ورکړل شول.
تگ
