SAHAR

په بلخ ولایت کې نن دوشنبه د وزلوبې فدراسیون له خوا په داسې حال کې د ۱۱ ولایتونو ترمنځ د وزلوبې ټورنمنټ پیل شو، چې د پیل په مراسمو کې د المپیک ملي کمېټې او سپورټ عمومي ریاست رئیس انجنیر نظر محمد مطمئن، د یاد ریاست فني او مسلکي معاون حافظ احمد جان، د ملي راډیو تلویزون رئیس مولوي احمد الله وثیق، د وزلوبې فدراسیون رئیس سرور جلال، فرهنګي شخصیت او لیکوال استاذ محمد زمان مزمل او یو شمېر نورو مسولینو ګډون کړی و.

په بلخ ولایت کې نن دوشنبه د وزلوبې فدراسیون له خوا په داسې حال کې د ۱۱ ولایتونو ترمنځ د وزلوبې ټورنمنټ پیل شو، چې د پیل په مراسمو کې د المپیک ملي کمېټې او سپورټ عمومي ریاست رئیس انجنیر نظر محمد مطمئن، د یاد ریاست فني او مسلکي معاون حافظ احمد جان، د ملي راډیو تلویزون رئیس مولوي احمد الله وثیق، د وزلوبې فدراسیون رئیس سرور جلال، فرهنګي شخصیت او لیکوال استاذ محمد زمان مزمل او یو شمېر نورو مسولینو ګډون کړی و.

د ټورنمنټ د پیل په مراسمو کې ښاغلي انجنیر نظر محمد مطمئن په خپلې وینا کې وویل: شمالي ولایتونه د هغو ولایتونو له جملې څخه دي، چې د وزلوبې لوبې پکې خورا دود دي، په ځانګړي ډول بلخ د وزلوبې منشاء بلل کیږي؛ له همدې امله خوښ یم، چې نن په بلخ ولایت کې د وزلوبې د ستر ټورنمنټ شاهدان یوو.

نوموړي هیله څرګنده ګړه، چې په اینده کې هم په شمالي ولایتونو کې په ځانګړي ډول په بلخ کې د وزلوبې سیالۍ ونیول شي.

ورپسې فرهنګي شخصیت او لیکوال استاذ محمد زمان مزمل وینا وکړه، نوموړي په خپلې وینا کې د نېزه بازۍ پر تاریخ او مخینې خبرې وکړې، نېزه بازي یې د هیواد لرغونې او تاریخي لوبه یاده کړه او زموږ د کولتور برخه یې وګڼله.

د یاد ټورنمنټ د پرانیستې په مراسمو کې د وزلوبې دوستانه سیالۍ هم وشوه، چې د ۹ ولایتونو له هرې لوبډلې شپږ ـ شپږ اسونو پکې برخه اخیستې وه. په دوستانه سیالۍ کې بدخشان ۱، بلخ ۲ او سرپل هم یو امتیاز په خپل نوم ثبت کړ.

د یادونې وړ ده، چې یاد ټورنمنټ د لس ورځو لپاره د یوولس ولایتونو د لوبډلو ترمنځ جوړ شوی، چې نهه هغه یې: فاریاب، سرپل، جوزجان، بلخ، کندوز، تخار، بدخشان، بامیان، لوګر بلخ ته رسېدلې دي او دوه نورې( بغلان، سمنګان ) د رسېدو په حال کې دي.

په دې ټورنمنټ کې د پکتیا، پکتیکا، غزني، خوست او زابل ولایتونو نېزه بازانو هم ګډون کړی او د ټورنمنټ ټولې لوبې له ملي سپورټ څخه په ژوندۍ بڼه خپریږي.