والیبال ملي لوبډله له څو بریاوو وروسته کابل ته ستنه شوه
پنجشنبه، د حوت ۱۱ ، د افغانستان د والیبال ملي لوبډله، چې د فبرورۍ په ۲۰ مه د والیبال په سیالیو کې د ګډون په موخه مالدیف هېواد ته تللې وه، پرون د دغو سیالیو له پای ته رسېدو او پرله پسې بریاوو وروسته هېواد ته راستنه شوه.
پنجشنبه، د حوت ۱۱ ، د افغانستان د والیبال ملي لوبډله، چې د فبرورۍ په ۲۰ مه د والیبال په سیالیو کې د ګډون په موخه مالدیف هېواد ته تللې وه، پرون د دغو سیالیو له پای ته رسېدو او پرله پسې بریاوو وروسته هېواد ته راستنه شوه.
ملي لوبډلې په هوايي ډګر کې د فدراسيون د مشرتابه له لوري له هرکلي وروسته، د المپيک د ملي کمېټې له لوري د ښه راغلاست په جوړه شوې غونډه کې ګډون وکړ او د المپیک ملي کمېټې او سپورټ عمومي ریاست د طالب چارواکو له خوا يې هرکلى وشو.
د المپيک ملي کميټې او سپورت ریاست لپاره د طالبانو رئیس انجنير نظرمحمد مطمين په دې اړه جوړه شوې غونډه کې د والیبال ملي لوبډلې لاسته راوړنې او هڅې وستایلې.
د فبرورۍ له ۲۳مې څخه تر ۲۷مې نېټې پورې د افغانستان، مالديف، ماليزيا او سينګاپور د لوبډلو په ګډون د مالديف په کوربتوب ترسره شوې، چې افغانستان پکې ټولې لوبې وګټلې.
د والیبال ملي لوبډلې دغه بریاوې ډېرو خلکو وستایلې، خو د ملي المپیک کمېټې لپاره له اړوندو طالب چارواکو پرته نورو طالب مشرانو په دې اړه څه ونه ویل.
تگ
