کندز؛ په امام صاحب ولسوالۍ کې د خوسي لوبې د ودې په پار سيالۍ ترسره شوې
دلو 10, 1401 11:25 Asia/Kabul
د کندز ولايت په امام صاحب ولسوالۍ کې د خوسي لوبې د ودې په پار سيالۍ ترسره شوې.
يادې لوبې د کندز ولايت د بدني روزنې او ورزش رياست او امام صاحب د ورزش امريت له لوري د يادې ولسوالۍ په ياران فوټسال لوبغالي کې ترسره شوې.
دغه لوبو ته د بدني روزنې او ورزش رئیس قاري عزت الله سينان سربېره، سلګونه دولتي او غير دولتي نندارچيان راغلي وو.
هېره دې نه وي چې د نوموړو سياليو اتلولي د کندز شجاعانو لوبډلې ترلاسه کړه.
په پای کې غوره لوبغاړو ته د بدني روزنې او ورزش رياست پلاوي کپونه او ستاينليکونه ورکړل او هم د سوداګرو له لوري په ډاليو ونازول شول.
تگ
