امریکا ته د افغان پوځ څرخکې سپارل
دلو 20, 1403 17:30 Asia/Kabul
خبري سرچینې وايي چې ازبیکستان د افغان پوځ اووه پخواني بلک هاک هلیکوپټرې امریکا ته سپارلي دي.
دا چورلکې د دوه زره یو ویشتم کال د اګست په پنځلسمه د افغانستان د سقوط پر مهال د پوځ د پخوانیو پیلوټانو لخوا ازبیکستان ته لیږدول شوې وې.په تاشکند کې د امریکا سفارت منلې چې دا څرخکې له دوی سره دي.په تیرو درېیو کلونو کې، سرپرست حکومت په وار وار د ازبیکستان له حکومت څخه غوښتي وو چې دا الوتکې افغانستان ته بیرته وسپاري.
