د معصوم هوتک په زیار د دستارنامې بیاځلې چاپ
قوس 30, 1402 12:03 Asia/Kabul
د خوشال خان خټک مشهور اثر «دستارنامه» د مشهور څېړونکي محمد معصوم هوتک په زیار او سریزه تازه بیا چاپ شوې ده.
دغه اثر له کندهار څخه د صداقت خپرندویې ټولنې خپور کړی.
لیکوال او څېړونکي مطیع الله روهیال د دغه تازه چاپ شوي اثر په اړه لیکلي: « حاضر متن ئې استاد محمدمعصوم هوتک برابر کړی دئ. متن له نورو چاپونو سره جوت توپیر لري، ډېري لاینحله غوټي پکښې حل سوي او سپړل سوي دي. نوي خبري او توضیحات پکښې لوستلای سی. زه استاد هوتک ته ددې لوی کار د بشپړېدو او خپرېدو مبارکي ورکوم او ځان نېکمرغه ګڼم چي د پښتو آثارو په ځانګړې توګه د متونو په برخه کي په دغه کیفیت او صحافت دستارنامه تر تاسي پوري در رسوم.»
دا اثر په داسې مهال چاپیږي چې په افغانستان کې د طالبانو له بیا واکمنېدو سره د کتابونو د چاپ او لوست برخه کم رنګه شوې او داسې هڅې د هرکلي سره مخ کیږي.
