په پښتو ژبه کې د لومړي ځل لپاره د ''قواعد الافتاء'' کتاب چاپ شو
د افغانستان د پوهنتونونو د شرعیاتو پوهنځیو د (فقه او قانون/ اسلامي تعلیمات) څانګو او د دیني مدرسو د فقهې، افتاء او قضاء د تخصص د برخې محصلینو لپاره په اصول افتاء کې د «قواعد الافتاء» په نامه کتاب چې د لوړو زده کړو د کریکولم او درسي نصاب مفرداتو ته په کتو لیکل شوی، له چاپه راووت.
دا کتاب د شرعیاتو پوهنځي استاد مفتي فضل هادي سالک لیکلی.قواعد الافتاء په اصول افتاء کې په پښتو ژبه لومړنی کتاب دی چې د هېواد مشهورو علماوو، پوهاندانو، او دوکتورانو پرې تقریظونه لیکلي او د کتاب متانت او علمي اړخ یې لا غښتلی کړی دی. د کتاب ژبه روانه او عام فهمه ده. د اړتیا پر وخت عربي متن سره پښتو ژباړه هم لیکل شوې ده. د تفسیرونو، احادیثو او فقهي کتابونو سربېره په کې د مشهورو اسلامي علماوو له اثارو او برېښنایي کتابونو څخه استفاده شوې ده.د پوهنتونونو محصلین او د فقهې، افتاء او قضاء زده کړیالان کولای شي چې په کابل کې یې له لاندې ادرسونو څخه ترلاسه کړي
