د لوست او مطالعې له پاه زرین وخت
د ساینسي موندنو له مخې د مطالعې لپاره تر ټولو ښه ساعتونه د سهار له ۱۰ بجو څخه تر ۲ بجو پورې او د ماسپښین له ۴ بجو څخه تر ۱۰ بجو پورې دي.
د درس پر مهال پر مغزو ډېر فشار راوستل په خپله یو ډول رواني فشار دی چې په لوستونکي وارديږي. نو د لوست په منځ کې دمه کول د یادولو د بهیر تازه او بیا راژوندي کول دي. له سهار تر ماسخوتنه پرله پسې درس ویل هم په مغزو فشار او حتی ظلم دی. درس باید دوامداره وویل شي نه دا چې د ازموینو په ورځ ورته اړم شې تر دې چې د ازموینې له تېرېدو وروسته د زده کوونکي یا زده کړیال رنګ تور اوښتی وي.
د سهار له ۱۰ بجو څخه تر ۲ بجو پورې او د ماسپښین له ۴ بجو څخه تر ۱۰ بجو پورې وخت ځکه زرین وخت دی چې مغز د فزیولوژیکي او هورمونول بدلونونو له مخې د زده کړې په غوره حالت کې دی.
له بلې خوا، دماغ د سهار له ۴څخه تر ۷بجو پورې خپل ټیټ تولید کې وي.
دا هم باید په یاد ولرو چې په یو کس کې د مطالعې او زده کړې ساعتونه د بل څخه په بشپړه توګه توپیر لري. ځینې خلک د سهار په وخت کې د زده کړې وړتیا لري او له همدې امله دوی د سهار څخه تر ماسپښین پورې مطالعه کوي کله چې دوی ډیر انرژي ولري او ډیر ښه عکس العمل ترلاسه کوي. له بلې خوا، ځینې خلک د ورځې په اوږدو کې د زده کړې او مطالعې وړتیا نه لري. له همدې امله، دوی ممکن د شپې له پیل څخه تر پایه پورې د مطالعې احساس وکړي او دوی د شپې مطالعه کوي. د پایلې په توګه، دا ممکنه نه ده چې د ټولو خلکو مطالعې لپاره یوازې یو ځانګړی ساعت اعلان کړئ ځکه چې د هر انسان د مطالعې کیفیت د هغه په ورځني عادتونو پورې اړه لري.البته، زموږ د بریالیتوب شرط یوازې د مطالعې لپاره مناسب وخت غوره کول ندي.
