د افغانستان ملي ټلویزیون د یو کس ویډیو خپره کړې چې ځان د سعیدالله په نوم د مهمند سیمې اوسیدونکی معرفي کوي، په پاکستان کې د داعش ترهګرې ډلې ځواکونو د فعالیتونو او روزنې یادونه کوي.

هغه څرګنده کړه چې د دې اشخاصو په منځ کې د تاجیکستان، ازبیکستان، روسیې، ترکیې او څو نورو هیوادونو وګړي شامل دي.هغه دا هم ومنله چې پخپله په دې مرکزونو کې روزل شوی و او د جعلي اسنادو ترلاسه کولو وروسته د ترهګریزو عملیاتو ترسره کولو لپاره افغانستان ته لیږل شوی.د پاکستان په خاوره کې د ترهګرو ډلو شتون د کابل لخوا اسلام آباد ته د لګول شویو تورونو څخه یو دی، خو یاد هیواد تل دا رد کړې ده.