په خیبر پښتونخوا ایالت کې د سړک غاړې بم چاودنې له امله لږ تر لږه نهه پاکستاني سرتیري ووژل شول او اووه نور ټپیان شول.

د پاکستان د پوځ مطبوعاتي څانګې دا برید تایید کړ او وویل چې د تحریک طالبان پاکستان ډله د دې برید مسؤلیت لري، او د عاملینو د پیژندلو او نیولو لپاره هڅې پیل شوي دي.تر اوسه هیڅ ډلې د پاکستاني پوځي ځواکونو پر وړاندې د برید پړه نه ده منلې.پرون، تحریک طالبان پاکستان په یوه بیان کې وویل چې په تیره میاشت کې یې د پاکستاني پوځ او حکومتي ځواکونو پر وړاندې درې سوه نهه پنځوس بریدونه کړي دي.د دې ډلې میاشتني راپور کې ویل شوي چې په دې بریدونو کې څلور سوه شپږ اویا کسان وژل شوي او دیارلس سوه اوولس نور ټپیان شوي دي.