د پاکستان د کورنیو چارو مرستیال وزیر اعلان کړی چې هیواد به یې د افغانستان له خاورې څخه هر ډول ترهګریز برید ته سخت ځواب ووایی او که چیرې د سرحدي بریدونو د بندولو لپاره خبرې اترې ناکامې شي، بریدګر به له ګولیو سره مخ شي.

د پاکستان د کورنیو چارو مرستیال وزیر طلال چوهدري ویلي دي چې د هیواد حکومت د پانګونې او دوامداره پرمختګ لپاره د پاکستان امنیت ډاډمن کولو ته ژمن دی.هغه ترهګرو ډلو ته خبرداری ورکړ چې که چیرې سرحدي بریدونه دوام ومومي او له افغانستان سره خبرې اترې ناکامې شي، نو دوی به د امنیتي ځواکونو له سخت غبرګون سره مخ شي.د پاکستان د کورنیو چارو مرستیال وزیر ټینګار وکړ چې پاکستان به د دې پر وړاندې هیڅ ترهګریز عمل ونه زغمي او د هر برید لپاره به پرېکنده ځواب ورکړي.