د ایران د غیږ نیونې ملي ټیم د نړیوالو اتلولیو په وروستۍ ورځ د یو سرو زرو، یو سپینو زرو او یو برنزو په ګټلو سره نړیواله اتلولي خپله کړه.

په دې توګه ایران د سیالیو په دې پړاو کې چې د وږي له اووه ویشتمې څخه تر دیرشمې پورې په کرواشیا کې ترسره شوې لسو مختلفو وزنونو کې د څلورو سرو زرو، دوه سپینو زرو او دوه برنزو په ګټلو سره نړیواله اتلولي وګټله.اوس ایران د ټیم په درجه بندۍ کې د یو سل او اتیا نمرو سره اتلولي وګټله، پداسې حال کې چې د دې هیواد او په سیالۍ کې د دوهم ځای ترمنځ واټن یو نوي نمرې وې.په دې سیالیو کې آذربایجان نهه اتیا نمرو سره دوهم او ازبیکستان د دوه اویا نمرو سره دریم مقام ترلاسه کړ.