د پاکستان جمعیت علمای اسلام ګوند مشر سره د عراقچي لیدنه
د ایران د بهرنیو چارو وزیر د ایران په وړاندې د صهیونیستي رژیم او امریکا د تیري په غندلو کې د پاکستان د دولت او ملت او د جمعیت علمای پاکستان کلکو او پرېکنده دریځونو یادونه او ستاینه وکړه.
سید عباس عراقچي ویلي دي چې د ایران او پاکستان ملګرتیا او ورورولي ژورې او قوي دي، او د ایران اسلامي جمهوریت پاکستان سره د دوستانه اړیکو د جامع پرمختګ لپاره په خپل هوډ کې جدي دی.د جمعیت علمای اسلام پاکستان مشر عراقچي سره په لیدنه کې د صهیونیستي رژیم د پوځي برید په وړاندې د ایران د خلکو او وسله والو ځواکونو د اتلولۍ دفاع په اړه د ایران ملت او حکومت ته مبارکي وویله.هغه ټینګار وکړ چې صهیونیستي رژیم سره د مقابلې لپاره د اسلامي امت د یووالي د پیاوړتیا اړتیا په اړه د جمعیت علمای اسلام ګوند اصولي دریځونه ټینګ او پياوړي دي.په دې کتنه کې د صهیونیستي رژیم د پراختیا غوښتنې سره د مقابلې او په اشغال شوي فلسطین کې د نسل وژنې د بندولو لپاره د اسلامي هیوادونو د یووالي پر اړتیا او د سیمه اییزو او نړیوالو بدلونونو په اړه سلامشورې وشوې.
