SAHAR

په پاکستان کې د سختو بارانونو او سېلابونو له امله په ډېره اسماعیل خان ښار کې لږ تر لږه اووه کسان مړه شوي دي.

پاکستاني رسنیو راپور ورکړی چې په اسلام آباد، راولپنډۍ او څو نورو ښارونو کې سختو بارانونو له کبله سیلابونه راوتلي، کورونه یې ویجاړ کړي او په ځینو سیمو کې یې برېښنا پرې کړې ده.د سیمه ییزو چارواکو په وینا، د اسلام آباد اړوند بهاره‌کهو سیمه ډوب شوه او سېلابونه کورونو او دوکانونو ته ننوتل.په ډېره اسماعیل خان کې سختو بارانونو او قوي بادونو د چتونو د رالوېدو لامل شول، چې اووه کسان یې ووژل او لسګونه نور یې ټپیان کړل.د پاکستان د ناورین مدیریت ملي ادارې خبرداری ورکړی چې سخت بارانونه او سېلابونه به د اګست تر دیرشمې پورې دوام وکړي. ولایتي چارواکو ویلي چې د ژغورنې او مرستې ټیمونه په بشپړ ډول چمتو دي.