په دوحه کې د سرپرست حکومت سفیر سهیل شاهین پرون د قطر د سرې میاشتې ټولنې له مشر سره لیدنه او په افغانستان کې د زړه د ناروغیو په برخه کې یې د دې هېواد د مرستې غوښتنه وکړه.

سهیل شاهین له فیصل محمد العمادي څخه وغوښتل چې د زړه د ناروغیو لرونکو ماشومانو د درملنې لپاره ماهر قطري ډاکټران کابل ته راولي.په قطر کې د سرپرست حکومت د سفارت مطبوعاتي اعلامیه کې راغلي چې شاهین په دې غونډه کې د قطري ډاکټرانو لخوا د افغان ډاکټرانو لپاره د ورکشاپونو د جوړولو غوښتنه وکړه.هغه دا هم غوښتنه وکړه چې د قطر د سرې میاشتې ټولنه په افغانستان کې د زړه د روغتونونو په بیارغونه کې همکاري وکړي.