د صهیونیستانو جنایتونو ته نړیوال غبرګون
د څلور ویشت هیوادونو د بهرنیو چارو وزیرانو او اروپایي کمیشنرانو په یوه ګډه اعلامیه کې غزې ته د مرستو د ننوتلو او د سیمې د اوسیدونکو د لوږې د پای ته رسولو غوښتنه وکړه.
دوی زیاته کړه چې په غزه کې انساني کړاو او بدبختي د نه منلو وړ کچې ته رسیدلې او لوږه په څرګنده توګه ښکاره شوې ده.د اروپايي شورا د بشري حقونو کمیشنر مخکې په یوه بیان کې ویلي وو چې غړي هیوادونه باید د بشري حقونو سرغړونو ته د رسیدو او د غزې په جګړه کې د دوی د دوام مخنیوي لپاره هره هڅه وکړي.هغه وویل: د وسلو د لیږلو قوانین باید په داسې ډول تنظیم شي چې د صهیونیستي رژیم لخوا د بشري حقونو د سرغړونو لپاره د کارولو خطر رامینځته نه کړي.دا په داسې حال کې ده چې صهیونیستي رژیم نن د غزې په مرکز او د سیمې په جنوب د خان یونس په ختیځ کې په خپلو بریدونو کې لسګونه فلسطینیان شهیدان او ټپیان کړل.په دې بریدونو کې جنګي الوتکې او چاودیدونکي روبوټونه کارول شوي، او په سیمه کې د خلکو کورونه په نښه شوي دي.
