SAHAR

د سوریې په جنوب کې د دروزی مشرانو د دمشق پر واکمنانو سختې نیوکې کړې دي، او پر دوی یې د قومي تصفیې، د ماشومانو د وژنې او د لویانو د اعدامولو تور لګولی دی.

" یوسف جربوع "چې د سوریې په جنوب کې د سویدا ولایت یو له خورا مشهورو دروزي شیخانو څخه دی، د سوریې د حکومت پر ضد د "حکمت الهجري" او "حمود الحناوي"، دوه نورو دروزي شیخانو سره یوځای شو، او د دمشق واکمنان یې په دې ولایت کې د ملکي وګړو په وژنه او قومي تصفیه تورن کړل.دغو کسانو دا کړنې وحشیانه او پلان شوې قومي تصفیه وبلله او په بشري سازمانونو، ژورنالیستانو او نړیوالې ټولنې یې غږ وکړ چې په سویدا ولایت کې د دې غیر انساني وژنې او تیري مخه ونیسي.