د غزې بشپړې ولکې پر وړاندې د کابل دریځ
د سرپرست حکومت د بهرنیو چارو وزارت د صهیونیستي رژیم د جنګي کابینې لخوا د غزې د بشپړ اشغال پریکړه غندلې ده.
یادې ادارې وویل دا یوه خطرناکه پریکړه ده چې په غزه کې به جګړه اوږده کړي او د فلسطیني خلکو کړاوونه به زیات کړي.د سرپرست حکومت د بهرنیو چارو وزارت په نړیواله ټولنه غږ وکړ چې خپل بشري او قانوني مسؤلیتونه پوره کړي او د صهیونیستي رژیم د داسې جرمي کړنو مخه ونیسي.د سرپرست حکومت د بهرنیو چارو وزارت د مطبوعاتي اعلامیې په یوه برخه کې راغلي چې نړیواله ټولنه باید غزې ته د بشري مرستو د ننوتلو اسانتیا برابره کړي او په دې سیمه کې د صهیونیستي رژیم د اشغال او تیري د مخنیوي لپاره اغیزمن اقدام وکړي.سرپرست حکومت تر دې مخکې هم په غزه کې د صهیونیستي رژیم د جرمونو او تیري غندنه کړې وه او د فلسطیني خلکو په ځانګړې توګه د غزې د خلکو لپاره یې خپل ملاتړ اعلان کړی و.
