نورستان کې د اتو کان کیندونکو وژل کیدل
نورستان ولایت کې د سرپرست حکومت امنیه قوماندانۍ ویلي دي چې په یوه کان کې د چاودنې له امله اته کسان وژل شوي دي.
دا کان د قیمتي ډبرو کان و چې د دو آب ولسوالۍ په کوه ماوي کې موقعیت لري.د چاودنې لامل د کارګرانو لخوا د کان په یوه تونل کې د چاودیدونکو توکو چمتو کول وو، چې د چمتووالي پرمهال چاودیدلي دي.ویل کیږي چې په دې پېښه کې څو نور ټپیان شوي او د یاد ولایت روغتیايي مرکزونو ته لیږدول شوي دي.د نورستان د پولیسو قومانداني وايي چې کان کیندونکو د کان کیندنې لپاره اړین معیارونه په پام کې نه دي نیولي.روانه اونۍ کې د بغلان ولایت د کرکر په کان کې هم یوې چاودنې لږترلږه شپږ کان کیندونکي ووژل.د کان کیندنې غیر معیاري او په دې برخه کې د اړین خوندیتوب نشتوالی تل د افغانستان د کان کیندنې په سکتور کې په ځانګړې توګه د ډبرو سکرو په کانونو کې د لوړې مرګ ژوبلې لامل کیږي.
