د سرپرست حکومت د ریاست الوزرا اداري مرستیال عبدالسلام حنفي د کډوالۍ د نړیوال سازمان له مشر محمد عبدیکر سره د یوې غونډې په ترڅ کې وویل چې د دوی حکومت ګاونډیو هیوادونو څخه د افغان کډوالو د راستنیدو اداره کوي.

هغه وویل چې دوی پلانونه لري چې کډوال په خپلو ولایتونو کې میشت کړي.د ریاست الوزرا اداري مرستیال د کډوالو لپاره د کاري فرصتونو د رامینځته کولو پر اهمیت هم ټینګار وکړ او وویل چې دوی هڅه کوي چې دا مسلې حل کړي.حنفي په نړیوالو سازمانونو غږ وکړ چې د افغان کډوالو د ملاتړ لپاره خپلې ژمنې پوره کړي.تر دې مخکې د سرپرست حکومت نورو چارواکو، په شمول د کډوالو چارو وزیر، ټینګار کړی و چې د ژمي په رارسیدو سره به د کډوالو ستونزې څو چنده شي او نړیواله ټولنه باید دې مسلې ته کافي پاملرنه وکړي.