د خیبر پښتونخوا سیمه ییزې سرچینو رسنیو ته ویلي چې د ګرځبندیز او د پوځي عملیاتو له پلي کولو وروسته، د پاکستان پوځ اوس په ناڅاپي ډول په بنو کې ګرځبندیز لګولی دی.

سرچینې وايي چې دا بندیز نن سهار د پاکستان پوځ لخوا ناڅاپه اعلان شو.دا سرچینې زیاتوي چې د پاکستان پوځ په بنو کې ښار او شاوخوا سیمو ته تلونکې ټولې لارې تړلې دي او خلک په خپلو کورونو کې بند پاتې دي.سرچینو دا هم وویل چې د پاکستان پوځ په ځینو ځایونو کې هوايي ډزې هم کړې دي، چې خلک یې ډېر ویره لري.د یادونې وړ ده چې پاکستاني پوځ مخکې په باجوړ کې د "غیرقانوني وسلو" پر وړاندې عملیات پیل کړي دي، چې د سرچینو په وینا، د بمباریو له امله د "لسګونو ملکي وګړو" د وژنې او ټپي کیدو لامل شوي دي، چې ښځې او ماشومان هم پکې شامل دي.